మీ జెనెటిక్ టెస్ట్ రిపోర్ట్ ఎవరు చూడవచ్చు? గోప్యత, సమ్మతి గురించి

మీ అనుమతి లేకుండా చూడలేరు. మీ మెడికల్ రికార్డులను మామూలుగా చూసే హక్కు యజమానికి లేదు. ఆఫీసులో చేసే సాధారణ హెల్త్ చెకప్‌లలో జెనెటిక్ టెస్ట్‌లు భాగం కావు. ఆఫీసులో ఫలితం చెప్పమని మీపై ఒత్తిడి వస్తున్నట్టు అనిపిస్తే, ఉద్యోగం, జెనెటిక్ సమాచారం గురించిన మా పేజీ మీకు ఉన్న మార్గాలను వివరిస్తుంది.

దానంతట అదే తెలియదు. ల్యాబ్‌లు ఇన్సూరెన్స్ కంపెనీలకు రిపోర్ట్ చేయవు. మీరు సమర్పించిన లేదా అనుమతించిన క్లెయిమ్ పత్రాల్లో ఫలితం ఉంటే, లేదా ప్రపోజల్ ఫారం అడిగినప్పుడు మీరు సమాధానం ఇస్తే — అప్పుడే ఇన్సూరెన్స్ కంపెనీ దాన్ని చూస్తుంది. క్లెయిమ్ అనుమతి పత్రం దేనికి వర్తిస్తుందో సంతకం పెట్టే ముందే చదవండి.

లేదు. మీ ఫలితం మీ సొంత వైద్య సమాచారం. చాలామంది దాన్ని పంచుకోవాలనే నిర్ణయించుకుంటారు, ఎందుకంటే అన్నదమ్ములు, అక్కచెల్లెళ్లు, పిల్లలకు ఆ విషయం తెలియడం వల్ల ఉపయోగం ఉండవచ్చు. ఎవరికి చెప్పాలో, ఎలా చెప్పాలో నిర్ణయించుకోవడంలో మీ కౌన్సెలర్ సహాయం చేయగలరు.

మీ సమ్మతి లేకుండా మీ డాక్టర్ గానీ కౌన్సెలర్ గానీ దాన్ని పంచుకోకూడదు. ఈ విషయం తెలిస్తే ఉపయోగపడే బంధువులకు చెప్పమని వారు మిమ్మల్ని ప్రోత్సహించవచ్చు, ఫలితాన్ని వివరించే ఒక "ఫ్యామిలీ లెటర్" ఇవ్వవచ్చు. కానీ పంచుకోవాలా వద్దా అనే నిర్ణయం మీ చేతుల్లోనే ఉంటుంది.

లింక్ చేస్తేనే అవుతుంది. ఒక హాస్పిటల్ గానీ డాక్టర్ గానీ రికార్డులు అడిగినప్పుడు, ABHA ద్వారా పంచుకోవడానికి మీ ఆమోదం కావాలి. మీ జెనెటిక్ రిపోర్ట్‌ను మీ హెల్త్ అకౌంట్‌లో అప్‌లోడ్ చేస్తారా అని, చేయడానికి ముందే హాస్పిటల్‌ను అడగండి. దాన్ని ఆన్‌లైన్‌లో పెట్టకూడదని మీరు అనుకుంటే, వద్దు అని చెప్పండి.

అది ల్యాబ్ సొంత విధానం మీద, మెడికల్ రికార్డుల కోసం అది పాటించే నియమాల మీద ఆధారపడుతుంది. వారి రిటెన్షన్ పాలసీ (డేటా ఎంత కాలం ఉంచుతారనే విధానం) ను రాతపూర్వకంగా ఇవ్వమని అడగండి. రిపోర్ట్ ఇచ్చిన తర్వాత మిగిలిన శాంపిల్‌ను, రా డేటాను నాశనం చేస్తారా అని కూడా అడగవచ్చు.

కొన్ని న్యాయ ప్రక్రియల్లో, మెడికల్ రికార్డులు సమర్పించమని కోర్టు ఆదేశించవచ్చు. జెనెటిక్ విషయాల్లో ఇది అరుదు. అది కూడా అధికారిక న్యాయ ప్రక్రియ ద్వారానే జరుగుతుంది. చట్టపరమైన అధికారం ఉందని చెప్పి ఎవరైనా మీ ఫలితం అడిగితే, ఆ ఉత్తర్వును రాతపూర్వకంగా చూపించమని అడగండి.

టెస్ట్ రాసిన డాక్టర్‌ను లేదా ల్యాబ్‌ను అడగండి. మీ సొంత మెడికల్ రికార్డులు పొందే హక్కు మీకు ఉంది, ఆ రిపోర్ట్ వాటిలో భాగమే. మీరు మా దగ్గర టెస్ట్ చేయించుకుని, మీ కాపీ దొరకకపోతే CION హెల్ప్‌లైన్‌కు ఫోన్ చేయండి.